PNS Bureau | 6 NOV 2025 ନୂଆପଡ଼ା ବିଧାନସଭା ନିର୍ବାଚନ ମଣ୍ଡଳୀର ମତଦାତାମାନଙ୍କୁ ଆସନ୍ତା ଉପନିର୍ବାଚନ ସମ୍ପର୍କରେ ସଚେତନ କରିବା ଉଦ୍ଦେଶ୍ୟରେ, ଜିଲ୍ଲା ନିର୍ବାଚନ ଅଧିକାରୀଙ୍କ ମାର୍ଗଦର୍ଶନରେ ବୁଥ ସ୍ତରୀୟ ଅଧିକାରୀମାନେ ଘରେଘରେ ଯାଇ ଭୋଟର ସୂଚନା ପତ୍ର ଓ ଭୋଟର ମାର୍ଗଦର୍ଶିକା ପୁସ୍ତିକା ବିତରଣ କରିଛନ୍ତି।
ସୂଚନା ଅନୁଯାୟୀ, ନୂଆପଡ଼ା ନିର୍ବାଚନ ମଣ୍ଡଳୀରେ 2 ଲକ୍ଷ 51 ହଜାର 919 ଭୋଟର ସୂଚନା ପତ୍ର ଏବଂ 85 ହଜାର ଭୋଟର ମାର୍ଗଦର୍ଶିକା ପୁସ୍ତିକା ମତଦାତାଙ୍କ ମଧ୍ୟରେ ବିତରଣ କରାଯାଇଛି।
ଭୋଟର ସୂଚନା ପତ୍ରରେ ମତଦାତାଙ୍କ ନାମ, ମତଦାନ କେନ୍ଦ୍ର ସଂପର୍କିତ ସୂଚନା, ମତଦାନ ତାରିଖ ଓ ସମୟ, ମତଦାନ ସମୟରେ କଣ କରିବେ ଓ କଣ ନ କରିବେ — ଏସବୁ ସୂଚନା ସହିତ QR କୋଡ ଦ୍ୱାରା ନିଜ ଭୋଟର ବିବରଣୀ ଶୀଘ୍ର ପାଇବା ପ୍ରକ୍ରିୟା ଉଲ୍ଲେଖ ରହିଛି।
ସେହିପରି, ଭୋଟର ମାର୍ଗଦର୍ଶିକା ପୁସ୍ତିକାରେ ମତଦାତାମାନେ କିପରି ସହଜରେ ଭୋଟ ଦେଇପାରିବେ, ଭୋଟର ପଞ୍ଜୀକରଣ ଯୋଗ୍ୟତା, ତାଲିକାରେ ନିଜ ନାମ ଯାଞ୍ଚ ପ୍ରକ୍ରିୟା, ନିର୍ବାଚନ ନିୟମ ଉଲ୍ଲଂଘନ ହେଲେ ଅଭିଯୋଗ ପଦ୍ଧତି, ପୋଷ୍ଟାଲ ବ୍ୟାଲଟ୍ ସୁବିଧା ଓ ପ୍ରାର୍ଥୀ ସମ୍ପର୍କିତ ତଥ୍ୟ ଦିଆଯାଇଛି।
ଏହି ପୁସ୍ତିକା ମାଧ୍ୟମରେ ମତଦାତାମାନେ voters.eci.gov.in ୱେବସାଇଟ ଓ Voter Helpline App ଦ୍ୱାରା ନିଜ ମତଦାନ କେନ୍ଦ୍ର ଚିହ୍ନଟ କରିପାରିବେ।
PNS
