ରାଜ୍ୟରେ ପି.ଡ଼ି.ଏସ ହିତାଧିକାରୀଙ୍କ ଆଧାର ଭିତ୍ତିକ ଈ-କେ.ୱାଈ.ସି ପ୍ରକ୍ରିୟା ଜାରି — ୩୧ ଡିସେମ୍ବର ୨୦୨୫ ପର୍ଯ୍ୟନ୍ତ ସୁଯୋଗ
ଈ-କେ.ୱାଈ.ସି ନହୋଇଥିଲେ ମଧ୍ୟ ହିତାଧିକାରୀମାନେ ପାଇ ପାରୁଛନ୍ତି ପ୍ରତିମାସିକ ରାସନ — ଖାଦ୍ୟ ସୁରକ୍ଷାରୁ କେହି ବଞ୍ଚିତ ନୁହେଁ
PNS Bureau :- ଜାତୀୟ ଖାଦ୍ୟ ସୁରକ୍ଷା ଆଇନ ଏବଂ ରାଜ୍ୟ ଖାଦ୍ୟ ସୁରକ୍ଷା ଯୋଜନା ଅଧୀନରେ ରାଜ୍ୟର ସମସ୍ତ ପି.ଡ଼ି.ଏସ ହିତାଧିକାରୀଙ୍କ ପାଇଁ ଆଧାର ଭିତ୍ତିକ ଈ-କେ.ୱାଈ.ସି ପ୍ରକ୍ରିୟା ଜାରି ରହିଛି ବୋଲି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ତରଫରୁ ସୂଚନା ମିଳିଛି।
ରାଜ୍ୟର ସମସ୍ତ ୧୧,୮୨୭ ଗୋଟି ସୁଲଭ ମୂଲ୍ୟ ଦୋକାନ ସହ ୩୧୪ ଗୋଟି ବ୍ଲକ ଓ ୬୪ ଗୋଟି ପୌରାଞ୍ଚଳ କାର୍ଯ୍ୟାଳୟରେ ରାସନ କାର୍ଡ ପରିଚାଳନା କେନ୍ଦ୍ର ମାଧ୍ୟମରେ ଏହି ପ୍ରକ୍ରିୟା ଚାଲିଛି।
🔹 ହିତାଧିକାରୀଙ୍କ ପାଇଁ ସୁବିଧା
ଯେମାନେ ଏପର୍ଯ୍ୟନ୍ତ ଆଧାର ଯୁକ୍ତ ଈ-କେ.ୱାଈ.ସି କରାଇପାରିନାହାନ୍ତି, ସେମାନଙ୍କୁ ପୂର୍ବବତ ଭଳି ପ୍ରତିମାସ ପି.ଡ଼ି.ଏସ ଧାନ, ଗହୁଁ ଓ ଅନ୍ୟ ସାମଗ୍ରୀ ପ୍ରଦାନ କରାଯାଉଛି।
ବିଭାଗ ସ୍ପଷ୍ଟ କରିଛି ଯେ, କୌଣସି ଯୋଗ୍ୟ ହିତାଧିକାରୀଙ୍କୁ ଈ-କେ.ୱାଈ.ସି ହୋଇନଥିବା ନିମନ୍ତେ ଖାଦ୍ୟ ସୁରକ୍ଷା ଯୋଜନାରୁ ବଞ୍ଚିତ କରାଯିବ ନାହିଁ।
🔹 ୩୧ ଡିସେମ୍ବର ପର୍ଯ୍ୟନ୍ତ ସମୟସୀମା
ଯେମାନେ ଏପର୍ଯ୍ୟନ୍ତ ଈ-କେ.ୱାଈ.ସି କରାଇନାହାନ୍ତି ସେମାନେ ତା. ୩୧ ଡିସେମ୍ବର ୨୦୨୫ ପର୍ଯ୍ୟନ୍ତ ନିଜ ନିକଟସ୍ଥ ସୁଲଭ ମୂଲ୍ୟ ଦୋକାନ ବା ରାସନ କାର୍ଡ ପରିଚାଳନା କେନ୍ଦ୍ରକୁ ଯାଇ ନିଜ ଆଧାର ସହିତ ଈ-କେ.ୱାଈ.ସି କରାଇପାରିବେ।
📌 ବିଭାଗ ଅନୁସାରେ, ଏହି ପଦକ୍ଷେପ ରାଜ୍ୟର ସମସ୍ତ ହିତାଧିକାରୀଙ୍କୁ ସୁସ୍ଥ ଏବଂ ସ୍ୱଚ୍ଛ ଖାଦ୍ୟ ବଣ୍ଟନ ବ୍ୟବସ୍ଥା ଦେବା ଦିଗରେ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ।(PNS)
